Berat Ahmeti është përforcimi më i ri i Gjilanit. Klubi kuq e bardh ka arritur marrëvrshje me këtë futbollist të njohur, i cili deri para ardhjes në Gjilan kishte luajtur në kampionatin shqiptar, në Vllazni të Shkodrës.
Ky futbollist karrierën e kishte nisur në Prishtinë e ma pas kishte kaluar në kampionatin hungarez në ekipin Ujpest e më pas mesfushori ka kaluar në kampionatin shqiptar. Në KF Gjilani ai do ta gjej edhe vëllain e tij Azem Ahmeti.
Kalaja në fshatin Pogragjë dhe lumi Llapusha që rrjedh skaj saj, tumat ilire në fshatin Llashticë, Shpella e Resulës dhe ajo e Bresalcit, Liqeni i Përlepnicës apo edhe Guri i Shpuem që gjendet shumë afër tij, por edhe ujërat minerale në fshatrat Nasalë e Miresh, hane e mullinj janë vetëm disa nga bukuritë e Gjilanit.
Eksponati nuk ka vlerë nëse rri i mbyllur, nëse atë nuk e sheh askush, andaj ato duhet dhuruar aty ku secili vizitorë ka mundësinë t’i shoh, thotë gjilanasi Abdylfetah Limani, që ka dhuruar rreth 40 eksponate.
Gjilani e ka përcjell me pesë gola Vllazninë e Pozharanit në një miqësore, e cila është zhvilluar këtë të mërkurë. Ndeshja është zhvilluar në fushën me bar artificial në Gjilan, kurse ka qenë përforcimi nga Portugalia Jorge Teixiera, i cili ka shënuar dy herë. Një gol ka shënuar edhe bashkëkombasi i tij portugez Xavier Espinosa, derisa në listën e realizatorëve u shënuan edhe Besart Morina dhe Gëzim Rusi.
Në kuadër të fazës përgatitore Gjilani do ta zhvilloj një ndeshje miqësore me ekipin Shkupi, e cila do të luhet të dielen me fillim në ora 16.
Pas dhjetëra aktiviteteve të organizuara në kuadër të Muajit të Mërgimtarëve, mbrëmë në Gjilan është mbajtur aktiviteti sportiv gjimnastikë-akrobacione, të organizuar nga Njësia për Sport dhe nën përkujdesjen e kryetarit Lutfi Haziri.
Ngjarjen e ka shpallur të hapur udhëheqësi i Njësisë për Sport, Malazog Hoxha, i cili ka thënë se ky aktivitet po mbahet për herë të parë në Gjilan në nderim të mërgimtarëve.
“Jam i nderuar që sot po ju drejtohem veçanërisht juve mërgimtarëve të cilët dhatë shumë për këtë vendin tonë. Aktiviteti i gjimnastikës dhe akrobacionit po realizohet për herë të parë në Gjilan dhe jam shumë i lumtur për këtë. Shpresoj do të kaloni mirë dhe do të kënaqeni me performancën e sotme të profesionistëve të kësaj lëmie”, ka thënë Hoxha.
Nën përkujdesjen e kryetarit të Komunës së Gjilanit, në kuadër të Muajit të Mërgimtarëve, mbrëmë është dhënë premiera e shfaqjes “Vdekja aksidentale e një anarkisti”, nga Dario Fo, me regji të Erson Zymberit, e cila zgjoi interesim të madh të publikut.
Boksieri i ri gjilanas Visar Rexhepi është fitues i Turneut në Boks “Agim Rashiti”, i mbajtur në Gjilan, ku kanë marrë pjesë edhe boksierë nga vendet e rajonit dhe ato evropiane. Boksieri më me perspektivë u shpall Armend Xhoqaj, kurse tekniku më i mirë boksieri Anxhelo Merko Asanaj, ndërsa çifti më luftarak ishte ai i Violand Sylejmanit dhe Ondrej Schiler.
Koha do t’i shlyej shumë gjurmë që i la njeriu e piktorja Magbule Xhemaili në pëlhurë i jetëson ato gjurmë, që me to të njihen gjeneratat e ardhshme, kurse për artdashësit këto piktura në vete përmbajnë histori, ndjenjën që t’i prekësh dhe janë të mbushura me përplot detaje.
Objekti i kinemasë është mbuluar me reklama të kompanive ndërtimore, kurse në bazë të punëve që po bëhen, ai po shndërrohet në objekt afarist – banesor.
Ndërtesa e Kinemasë së Qytetit është mbuluar me reklama të kompanive ndërtimore, kurse prapa këtyre mbulojave po rrënohet objekti i kinemasë. A po shndërrohet kinemaja në objekt afaristo-banesor pyesin qytetarët, të cilët ka më shumë se një dekadë nuk kanë hyrë në këtë objekt ku do të duhej të shfaqeshin filma.
Si shumë objekte të tjera në komunën e Gjilanit, edhe ndërtesa e Kinemasë së Qytetit e ndërtuar në vitet tetëdhjeta mu skaj ndërtesës së Teatrit të Qytetit, është privatizuar nga Agjencia Kosovare e Privatizimit (AKP), por që prej se u privatizua, asnjëherë në të nuk u dha ndonjë film.
Në vitet tetëdhjeta të shekullit të kaluar, në këtë objekt ishte e vështirë të gjendej një biletë nga interesimi i madh që mbretëronte për të parë filma, në të nëntëdhjetat shqiptarët u dëbuan prej aty e pas lufte për një kohë objekti i funksionalizua, në të u dhanë filma, bile më pas edhe u investua në të kur objekti u dha me koncesion dhe u paralajmërua se kinemasë do t’i kthej nami i dikurshëm, kurse pas privatizimit, objekti i kinemasë u bë strehë e qenve endacakë dhe ishte degraduar gati tërësisht.
Tashti, në këtë objekt kanë nisur punimet, por në bazë të asaj që shihet nga jashtë, objektit po i ndërrohet destinacioni. Projekti që shihet nga jashtë, nuk le të kuptohet se aty po ndërtohet një kinema, por se më shumë i ngjanë një ndërtesa banimi.
Kujtim Shahiqi, zyrtar për kulturë në Gjilan, thotë se është e dhimbshme që një qytet që ka më shumë se 100 mijë banorë, tash e sa dekada nuk ka një kinema. Shahiqi, thotë se pas luftës kinemaja pas luftës ishte në pronësi të komunës, ajo më pas u dha me qira, nisi të funksionalizojë, në të u investua dhe pas 4-5 muajsh veprimtarie ajo sërish u mbyll për t’u shfrytëzuar nga disa grupe folklorike. Në një nga valëe privatizimit kinemaja u shit dhe përkundër përpjekjeve të vazhdueshme kinemaja nuk u arrit të kthehet në funksion.
Shahiqi thekson se tashti duhet të gjendet ndonjë zgjidhje që qyteti mos të mbetet pa kinema nëpërmjet të ndonjë adaptimi në Shtëpinë e Kulturës, ku është e vendosur edhe biblioteka e qytetit, ndërkohë që në muajin tetor të këtij viti në Gjilan pritet që të hapet Biblioteka e Re e Qytetit, me çka do të kishte më shumë hapësirë për adaptimin e ndonjë objekti për kinema. Edhe kryetari i komunës së Gjilanit, Lutfi Haziri, ka dhënë idenë që ato pjesë të hapësirës së shtëpisë së kulturës që do të mund të lirohen do të mund të shfrytëzoheshin për kinema.
Në kohën kur në objektin e Kinemasë së Qytetit vazhdojnë goditjet e çekanëve, ngjitas më të, në Teatrin e Qytetit këtë fundjavë u dha një film, ai “Son Of Saul” që është filmi, i cili fitoi çmimin Oscar në kategorinë filmi më i mirë i huaj. Filmi është bërë me regji dhe skenar të hungarezit Laszlo Nemes, ku trajtohet një fraksion i ngjarjeve tmerruese në Auschëitz gjatë vitit 1944. Ky film sikur ktheu shpresat e gjilanasve se një ditë ata do të mund të kenë kinemanë e tyre.
