Kryetari i komunës së Vitisë, Sokol Haliti, ka nënshkruar sot një memorandum bashkëpunimi me Ministrinë e Zhvillimit Rajonal, që ka të bëjë me realizimin e projektit “Renovimi i Objektit për Inkubator Biznesi”.
Me këtë rast u bë me dije se do të bëhet renovimi i objektit të vjetër të Shkollës së Mesme Profesionale “Jonuz Zejnullahu” në Viti me qëllim të krijimit të inkubatorit të biznesit.
Komisioni vlerësues i Ministrisë së Zhvillimit Rajonal, trajtimit të secilit element të projekt propozimit nga ana e komunës së Vitisë, ka ardhur në përfundim se dokumentacioni është i kompletuar dhe Projekt Propozimi është brenda kritereve të thirrjes për propozime të shpallur nga MZHR, bëjnë të ditur nga Ministria e Zhvillimit Rajonal.
Sipas dokumentit të nënshkruar ky projekt do të realizohet në bashkëfinancim të dyja institucioneve dhe është projekt dy vjeçar. Këtë memorandum të bashkëpunimit, e nënshkruan ministri i Zhvillimit Rajonal, Fikrim Damka dhe kryetari i komunës së Vitisë Sokol Haliti. Kurse kryetari Haliti tha se kjo komunë do të vazhdoj të realizoj edhe shumë projekte të tjera që janë në interes të qytetarëve të komunës së Vitisë.Aziz Zuka
