Shtatorja e re e heroit të Kombit Agim Ramadani – Katana, nën përcjellje ushtarake, është nisur nga Mitrovica për në Gjilan. Shtatorja e Agim pritet të mbërrijë në Gjilan rreth orës 14 e 15 minuta.
Në Ditën e Flamurit – 28 Nëntor, në këtë datë të shënuar të kombit shqiptar, edhe do të inaugurohet në qendër të Gjilanit, në sheshin që mban po ashtu emrin e këtij heroit.
Agimi është sinonim i lirisë. Agimi u flijua për të jetuar shqiptarët bashkë, të lirë e të barabartë, Agim Ramadani, nën Emblemën e UÇK-së, vulosi bashkimin kombëtar, më 1999 në Koshare. Beteja e Koshares, thyerja e kufirit shqiptaro-shqiptar, mbanë vulën e tij.
Tani, shtatorja e re po i vije Gjilanit, mu në qendër, kështu që sheshi me pamje të re do të jetë nderë dhe krenari jo vetëm për qytetin dhe qytetarët e saj, por edhe më gjerë.
Përndryshe, Shtatorja e re e Heroit të Kombit Agim Ramadani -KATANA është vepër e punuar nga skulptori i njohur Agon Qosa!
Pak biografi
Agim Ramadani Lindi në fshatin Zhegër të komunës së Gjilanit me 3 maj 1964. Shkollimin fillor e kreu në vendlindje, të mesmen shkollën teknike në Gjilan në vitin 1980, ndërsa Akademinë Ushtarake – drejtimi i komunikacionit në Zagreb të Kroacisë.
Me poezi dhe pikturë është marrë që nga shkollimi i mesëm. Përderisa poezitë e tij, sa ishte gjallë, i mbetën të shpërndara nëpër revista të ndryshme e në dorëshkrim, si piktor organizoi ekspozita kolektive e personale në Kroaci, ku punoi si ushtarak e në Zvicër, ku jetoi si emigrant politik, me që me fillimin e luftës në Kroaci, aj braktisi ish Armatën Jugosllave ku punonte si oficer. Në vitin 1998 u pranua si anëtar nderi në Akademinë Evropiane të Arteve.
Në vitin 1998, ai iu përgjigj thirrjes së Atdheut dhe u inkuadrua në radhët e Ushtrisë Çlirimtare të Kosovës, duke lënë në Zvicër tre fëmijë dhe gruan.
Gjatë luftës u dëshmua si strateg i lartë dhe udhëheqës i dashur për ushtarët. Ishte njëri ndër hartuesit e planit për thyerjen e kufirit shqiptaro-shqiptar, gjë të cilën edhe e bëri bashkë me shokët e tij. Ishte i pari që shkuli gurin e piramidës kufitare në Koshare.
Pas thyerjes së këtij kufiri, në pjesën e Kosovës, tek vendi i quajtur Rrasa e Zogut, aj ra heroikisht – për të mos vdekur kurrë. Njihet me emrin konspirativ – Katana. Llogaritet si një nga heronjtë ma të njohur të historisë së re shqiptare.
Agimi la pas vetes tre pasardhës, djemtë Jetonin dhe Edonin, si dhe vajzën Lorinën.
