Tabela në Superligë, Drita dhe Gjilani ngecin shumë pas kryesuesëve
Gjilani turpërohet nga Vushtrria
FC Vushtrria, klub që në 7 ndeshje nuk kishte grumbulluar asnjë pike, turpëron Gjilanin duke e mposhtur 1-0. Gjilani nuk di për fitore në tri ndeshjet e fundit.
Pas një pjese të parë të ngadaltë, pjesa e dytë dhuroi golin e vetëm të ndeshjes. Në minutën e 60-të, goditja e devijuar e Maxhunit përfundon në kokën e Urim Statovcit, i cili e lë të shtangur portjerin e Gjilanit Ćorić.
Gjilani, me të gjitha forcat provonte ta barazonte rezultatin. Në minutën e 70-të, pas harkimit nga këndi, topi u largua nga mbrojtësit e Vushtrrisë vetëm deri te Rrahmani, volleja e te cilit fishkëlloji mbi shtyllën.
Rast të mirë pati edhe Armend Thaqi nga goditja e lirë. Në minutën e 81-të, nga një distancë jo shumë e largët, ai nuk arriti ta godiste kuadratin.
Statovci mundi ta vë lojën në gjumë në minutën e fundit pasi fitoi një duel shpejtësie me Gërbovcin, disi e kaloi Ćorićin, por topi u largua në vijë nga Blerind Morina.
Forma e dobët e Gjilanit po vazhdon, cikli i vjetër që “Skifterët” besonin se kishte marrë fund po përsëritet. Vushtrria, e cila luajti një lojë jo të bukur për sy, arriti të fitoj pikët e para të sezonës.
FC Vushtrria 1-0 SC Gjilani
Stadiumi “Zahir Pajaziti”
10.10.2026
Përfundon pjesa e parë në Podujevë, ende pa gola
45 minuta nuk ishin të mjaftueshëm që Vushtrria ose Gjilani të krijonin diçka. Edhe pse Gjilani po dominon posedimin, Vushtrria po mbrohet shumë mirë dhe po tenton përmes kundërsulmeve.
Në minutën e 34-të, pas një kundërsulmi të Vushtrrisë, Bahtiri disi u fut në zonën e rreptësisë së kundërshtarëve dhe dribloi një mbrojtës, por goditja e tij ishte shumë e butë për Ćorićin.
Në minutën e 43-të, përsëri pas kundërsulmit, pas një krosimi nga krahu, mbrojtësit e Gjilanit e larguan topin shkurtër, Statovci me një vollej gjuajti shumë dobët në duart e portjerit të Gjilanit.
Në minutën e fundit të pjesës së parë, pas një aksioni të gjatë të Gjilanit, nga krosimi u gjet Robert Rrahmani, goditja e të cilit shkoi huq shumë larg mbi portë.
46’ Vushtrria 0-0 Gjilani
