Drilon Krivaqa, student i Fakultetit të Inxhinierisë Elektrike dhe Kompjuterike në drejtimin e Inxhinierisë Kompjuterike dhe Softuerike ka krijuar Crystal UPvc, një aplikacion që synon të modernizojë industrinë e dritareve dhe dyerve përmes automatizimit të krijimit dhe menaxhimit të ofertave dhe proceseve të prodhimit.
Ky program synon të rrit efikasitetin dhe thjeshtësimin e punës së përditshme të kompanive të këtij sektori. Krijimi i Crystal UPvc dëshmon zhvillimin e zgjidhjeve digjitale që adresojnë nevojat konkrete të bizneseve. Programi veç se ka filluar të përdoret nga kompani të ndryshme të këtij sektori.
