Nuk gabon Drita, triumfon në Podujevë
“Intelektualët” e Ardian Nuhiut tregohen të saktë në Podujevë duke e mposhtur Llapin e Tahir Batatinës, një hap i madh drejt afrimit të kreut të tabelës. Pas një pjese të parë të ngadaltë, fitorja e tyre erdhi në pjesën e dytë.
Në minutën e 48-të, Vesel Limaj u tregua i saktë me goditjen e tij dhe mposhti portjerin Grote për ti dhënë epërsinë Dritës. Pas pak minutave, Bunjamin Emini i Llapit ia “fali” topin Liridon Balajt, i cili e dribloi edhe portjerin për të shënuar golin e dytë të Dritës.
Llapi nuk u dorëzua lehtë, qendërmbrojtësi Arbnor Aliu shënoi eurogol, goditje e cila nuk mund të bllokohej edhe nëse do ishin dy portjerë.
Zëvendësuesi Grezda nga kundërsulmet pati dy raste një kundër një me portjerin, njëra goditje ishte e butë për Groten e tjetra mbi portë. Edhe Limaj pati një rast të mirë, por këtë herë nuk u tregua i saktë.
Llapi, krosim pas krosimi, aksion pas aksionit, nuk arriti të krijoj asnjë rast serioz dhe nuk arriti të barazonte rezultatin në fund.
Kjo është fitorja e dytë rradhazi për Dritën në udhëtim pas fitores me rezultat minimal ndaj Ballkanit. Për Batatinën kjo ishte ndeshja e pestë pa fitore dhe bëhet kandidat shumë serioz për rënie nga liga.
Llapi 1:2 Drita
17.10.2026
Kryelajmi.com
Filharmonia e Kosovës shkëlqen në Poloni
Kërkohet caktimi i paraburgimit ndaj dy personave të dyshuar për veprat penale Organizimi, drejtimi apo financimi i trafikimit të narkotikëve
RRETH ANTOLOGJIVE DHE PËRZGJEDHJEVE POETIKE TË ANTON NIKË BERISHËS
Llapi luan me këta lojtarë
Formacioni zyrtar i FC Drita
Rekordmeni Agim Agushi dorëzon certifikatën e Guinness në Muzeun Kombëtar të Pavarësisë në Vlorë
Zekrijia Ramadani mbanë stërvitje me SC Gjilanin
ZYRTARE: Zeki është kuq e bardhë
Sport Club Gjilani ka kënaqësinë të komunikoj arritjen e marrëveshjes me trajnerin Zekirija Ramadani, i cili do të drejtoj skuadrën deri në vitin 2028.
Rikthimi i Ramadanit në Gjilan përfaqëson vazhdimësinë e një bashkëpunimi të njohur, duke pasur parasysh përvojën e tij të mëparshme në drejtimin e skuadrës kuqe e bardhë. Në edicionin 2022/23, nën drejtimin e tij, Gjilani siguroi pjesëmarrjen në garat evropiane dhe arriti deri në finalen e Kupës së Republikës së Kosovës.
Me pesë tituj kampioni të fituar me katër klube të ndryshme, Ramadani vjen me objektiva të qarta dhe ambicie të larta.
Sport Club Gjilani i uron mirëseardhje trajnerit Zekirija Ramadani dhe i dëshiron suksese në drejtimin e skuadrës, me bindjen se së bashku do të punojmë për ta çuar klubin drejt objektivave të përcaktuara.
Zyra për komunikim,
16 Tetor, 2026