Fushatë vetëdijësuese ,,Sezoni veror 2023’’

Gjilan, 31 korrik 2023

Drejtoria Rajonale e Policisë Gjilan, njësiti rajonal i komunikacionit rrugor në vazhdën e zbatim të planit operacional ,,Sezoni Veror 2023’’, sot me datën 31.07.2023 ka vazhduar me fushatë vetëdijësuese në disa pjesë të qytetit të Gjilanit dhe në rrugë magjistrale.

Gjatë këtij aktiviteti janë shpërndarë fletëpalosje të cilat bëjnë thirrje tek qytetarët që së bashku të kontribuojmë dhe reflektojmë pozitivisht për sigurinë e përgjithshme në komunikacionin rrugor.

Ndërmarrja e këtyre aktiviteteve shtesë ka për qëllim parandalimin e aksidenteve me dëme materiale, lëndime trupore dhe aksidentet me pasoja fatale.

Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected]  dhe numrat kundestarë:192; 03850807001. Të dhënat e juaja do të ruhen ne konfidencialitet të plotë.