Ensar Aliu është një prej talenteve të rinj me prejardhje nga Gjilani, i cili po e ndërton dhe zhvillon karrierën e tij futbollistike në Zvicër.
I lindur më 6 shtator 2011, 15-vjeçari është pjesë e Rapperswil-Jona, ku po vazhdon formimin e tij si futbollist në një ambient konkurrues dhe me standarde të larta të futbollit zviceran.
Aliu aktivizohet në pozita me karakter ofensiv dhe dallohet për cilësitë teknike, kreativitetin dhe prirjet sulmuese. Në këtë fazë të karrierës, ai po punon për të zhvilluar më tej potencialin e tij dhe për të bërë hapa të rëndësishëm në futbollin elitar.
Talenti i tij është vërejtur edhe nga strukturat e Përfaqësueses së Kosovës U-15, ku Aliu ka qenë pjesë e grumbullimeve dhe ka lënë përshtypje te përzgjedhësit me paraqitjet dhe potencialin e treguar.
Edhe pse prejardhjen e ka nga Gjilani, formimi i tij futbollistik po bëhet në Zvicër, ku po merr përvojën dhe edukimin sportiv për të ndërtuar një karrierë sa më të suksesshme.
Me moshën, talentin dhe hapësirën për zhvillim që ka përpara, Ensar Aliu mbetet një emër që meriton të ndiqet në vitet e ardhshme, ndërsa synimi i tij është të vazhdojë ngjitjen në nivelet më të larta të futbollit./Radio Star/
