Akil Vavalis ka marrë fitoren e dytë në krye të Dritës në po aq ndeshje sa e ka udhëhequr klubin.
Trajneri grek është shprehur shumë i lumtur me fitoren në Podujevë, duke thënë se nuk e nisën mirë, por rëndësi kanë vetëm tre pikët.
“Jam shumë i lumtur për fitoren. Nuk kemi nisur mirë, në 20, 25 minutat e parë nuk kemi reaguar ashtu si duhej. Në përgjithësi pjesa e parë nuk ishte ajo që kemi pritur. Në pushim kishim kohë të mjaftueshme për të folur dhe kemi reaguar në pjesën e dytë. I kemi shënuar dy gola dhe kemi arritur fitoren”.
Ai tutje ka falënderuar edhe tifozët duke thënë se i dhanë shtytje të madhe ekipit drejt fitores.
“I falënderoj ‘Intelektualët’, ishin lojtari ynë i 12-të. Kemi tifozë të shkëlqyer”, ka thënë Vavalis.
“Gjëja më e rëndësishme nuk është të dalësh në krye, por të qëndrosh atje pasi të gjithë duan që të largojnë. Jam i kënaqur me lojtarët e mi dhe pres që të dielën të arrijmë rezultat të mirë”, ka shtuar Vavalis.
