Sot, me shumë respekt e mirënjohje, i urojmë ditëlindjen dhe pensionimin e merituar njërit nga bashkëpunëtorët tanë më të përkushtuar – z. Ajet Sallahu, koordinator regjional i SHHBK “Nëna Terezë”. Rrugëtimi i tij në këtë shoqatë është një histori përkushtimi, humanizmi dhe përballje me sfida të mëdha. Në kohët më të vështira për popullin tonë – gjatë luftës – ai ishte aty, në shërbim të të tjerëve. Me guxim e përkushtim, Ajeti menaxhoi ambulantat dhe strukturat shëndetësore të shoqatës në kushte të jashtëzakonshme, duke u bërë mbështetje për qindra familje në nevojë. Kontributi i tij nuk ishte vetëm profesional – ishte njerëzor, i ndërtuar mbi ndjeshmëri dhe solidaritet. Ai mbajti gjallë frymën e ndihmës dhe vlerat që i dha jetë SHHBK “Nëna Terezë” – vlera që sot janë trashëgimi dhe frymëzim për brezat që vijnë. Në këtë ditë të veçantë, i urojmë shëndet të plotë, qetësi dhe gëzim pranë familjes. Faleminderit për gjithçka që ke bërë për komunitetin dhe për çdo dorë ndihme që ke shtrirë në emër të humanizmit. Puna jote ka lënë gjurmë të pashlyeshme. Me shumë mirënjohje, Shoqata Humanitare Bamirëse e Kosovës “Nëna Terezë”. Aziz Zuka
