SC Gjilani në mënyrën më të mirë të mundshme I është revanshuar Drenicës për humbjen e padrejtë që e kishte pësuar në Gjilan muaj më parë.
Kësaj radhe në fushën me baltë të Stadiumit “Bajram Aliu” në Skenderaj, Gjilani u gjet më mirë, duke shënuar gol pak para fundit të ndeshjes.
Në fakt, kjo ka qenë një ndeshje e barabartë si në pjesën e parë, ashtu edhe në të dytën. Gjilani luajti një lojë të sigurt në mbrojtje, derisa posedimin më të madh të topit e konkretizoi me gol në minutën 81.
Në fakt, pasi ka pranuar një top tek vija e gjashtëmbëdhjetëmetërshit, Senad Jaroviq ndonëse ishte I kthyer me shpinë, diti që të kalojë mbrojtjen e Drenicës e më pas edhe portierin dhe ndonëse ishte pak më anash me urti futi topin në rrjetë për 0:1, që mbeti rezultat përfundimtar I ndeshjes. /kryelajmi.com/.
