Me ftesë të Art Union nga Greqia, artisi kosovar Arian Rexhepi, përfaqësoi Kosovën në këtë ngjarje ndërkombëtare të pikturës. Ekspozita e pikturës ndërkombëtare e paqes dhe e miqësisë nga data 21-26 tetor 2017 u mbajt në qytetin e lashtë Olimpia te Greqisë. Në të morën pjesë shumë artistë nga mbar bota si nga Gjermania, Italia, Austria, Turqia, Greqia, Arabia Saudite, Shqipëria dhe Kosova. Artistët u paraqitën me nga një pikturë, ku qëllimi kryesorë ishte miqësia midis popujve dhe paqja të mbizotëroj gjithmonë. Në hapje të ekspozitës folën anëtarë të Shoqatës Art Grek Union , e po ashtu diplomë nderi ndau kryetari i komunës së Olimpias.
