Kryetari Haliti mbajti një fjalë rasti në ngjarjen e organizuar për nderë të Ditës Ndërkombëtare të Bamirësisë
Në Prishtinë sot në organizimin e “Caritas Kosova” është shënuar Dita Ndërkombëtare e Bamirësisë, ku pjesëmarrës ishin mysafir të shumtë nga vili qendror e lokal. E një falë rasti para të pranishmeve e mbajti edhe kryetari i komunës së Vitisë, Sokol Haliti i cili foli për konceptin e bamirësisë.
“ Sot, në Ditën Ndërkombëtare të Bamirësisë, ne festojmë frymën e jashtëzakonshme të dhënies, dhembshurisë dhe vetëmohimit që lidh komunitetet dhe i kapërcen kufijtë. Me këtë rast do të doja të veçoja dy shembuj të ndritshëm që simbolizojnë konceptin e bamirësisë, e që janë: Nënë Tereza e paepur dhe puna jetike e organizatës ndërkombëtare Caritas, pjesë e së cilës është Caritas Kosova”, u shpreh kryetari Haliti.
Ai tha se këta dy shembuj përkufizojnë më së miri konceptin e bamirësisë dhe për këtë jemi të gjithë dëshmitarë. Ai foli jo vetëm për kontributin e Nënës Terezë në fushën e bamirësisë por edhe të organizatës Caritas, e cila ka një bashkëpunim shumë të mirë me komunën e Vitisë, në projekte të ndryshme në interes të komuniteteve pa dallime duke potencuar se Caritas Kosova është e angazhuar për të ndihmuar të gjithë ata që janë në nevojë.
I pari i komunës së Vitisë pati edhe një porosi publike duke kërkuar që të vazhdohet puna që të bëhet ndryshimi përmes fuqisë së bamirësisë dhe bashkëpunimit.Aziz Zuka
