Më 14 Janar gjilanasit do të udhëtojnë drejt Antalias së Turqisë, teksa kanë të aranzhuar disa duele kontrolluese.
Më 15 Janar, “Skifterët” do të përballen me ekipin e njohur skocez Livigston FC. Takimi do të zhvillohet në Titanic Resort në Antalia të Turqisë nën ndriçimin e reflektorëve.
Më 20 Janar do të përballen me hungarezët Aqvital FC Csakvar, ndërsa tre ditë më pas përballen me kazakët e FC Qyzyljar.
Në afatin kalimtar të janarit, nga ekipi ‘kuqebardh’ janë larguar Egzon Bejtullai, Valmir Nafiu, Redon Ismaili dhe Erzen Hyseni.
Ndërkohë, në ekip është afruar Fatjon Bunjaki nga Liria e Prizrenit, teksa priten edhe përforcime të tjera. /Gazeta Enigma/
