Është bërë sot shpërndarja e farës së grurit për fermerët e Komunës së Gjilanit.
Kryetari i Komunës së Gjilanit, Alban Hyseni, bashkë me drejtorin e Bujqësisë, Bajram Isufin kanë bërë shpërndarjen e farës së grurit për fermerët e Komunës së Gjilanit.
I pari i komunës, tha se 1130 përfitues iu shpërndanë 200,000 kg farë gruri.
“Si asnjëherë më parë, kemi shpërndarë 200,000 kg farë gruri për 1130 fermerë”, tha Alban Hyseni.
Kryetari theksoi, se mbështetja për bujqësinë nuk ka qenë kurrë më e madhe se në qeverisjen tonë, me dhjetëra projekte dhe miliona euro investime.
Bajram Isufi, drejtor i Bujqësisë dhe Pylltarisë, tha se prioritet ndër pritoritete e kanë prodhimin foragjer, me theks të veçantë prodhimin dhe kultivimin e grurit.
Më tej drejtori i Bujqësisë, tregoi se sot 1130 fermerëve iu shpërndanë 200,000 kg farë gruri, të mjaftueshme për mbjelljen e sipërfaqes mbi 800 hektarë.
“Jemi një ndër komunat e vetme që e subvencionojmë farën e misrit dhe farën e grurit në nivel të Republikës së Kosovës”, tha Bajram Isufi.
