Edhe një veturë është rrokullisur në rrugën Gjilan – Prishtinë, rrugë në të cilën nuk kalon ditë pa ndodhur një rast i tillë, shkaku i terrenit të papërshtatshëm, rrugës së ngushtë e plot me kthese e në të cilën ka vende që ngasësit bien në lajthitje, ngase konfiguracioni i rrugës është i atillë që në kohë dimri, atë kurrë nuk e kap dielli dhe kjo rrugë sa është e terur, sa e lagur e sa me ngrica.
Qytetarët e Gjilanit tash e sa vite po përballen me ndodhi nga më të ndryshmet në këtë rrugë e pushtetarët dhe ata që po mëtojnë të marrin pushtetin gjithnjë me prioritet e kanë autostradën e Gjilanit, e cila fatkeqësisht nuk po bëhet. /kryelajmi.com/
