Ekipi i vajzave dhe i djemve në volejboll janë shpallur kampionë rajonal në volejboll, në ndeshjet që janë zhvilluar këtë në Sallën e Sporteve të Shkollës së Mesme të Ultë „Abdullah Tahiri“ në Malishevë të Gjilanit.
Ekipi i vajzave të Gjimnazit Natyror që është udhëhequr nga pedagogu i sportit, Selami Haziri, në finale është përballur me bashkëmoshataret e tyre nga komuna e Kamenicës dhe kanë ngadhënjyer me rezultat 2:0 në sete.
Edhe ekipi i djemve, që është kampion aktual i Kosovës në volejboll, janë në rrugë të mirë që të përsërisin këtë sukses, ngase edhe ata kanë ngadhënjyer ndaj ekipit përfaqësues nga Komuna e Kamenicës me rezultat 2:0 në sete. Ekipi i djemve është udhëhequr nga profesori i kulturës fizike dhe sportit, Blerim Shala.
Ndryshe, merita në këto suksese ka edhe profesori Rashat Syla, sikurse edhe drejtoria e shkollës me në krye drejtorin Bekim Mustafa dhe mbarë stafi i Gjimnazit Natyror „Xhavit Ahmeti“, që gjithmonë u është gjetur pranë nxënësve të kësaj shkolle.
Vajzat dhe djemtë e shkollës tonë do t’a përfaqësojnë Rajonin e Gjilanit në garat në nivel të Kosovës dhe do të mëtojnë që sërish të sjellin medalje të arta e kupa për të pasuruar edhe më shumë vitrinat e kësaj shkolle.
Ndryshe te filloristët kampionë janë shpallur SHMU “Thimi Mitko” – vajzat dhe SHMU „Metush Krasniqi“ nga Kamenica – djemtë.
Shkollave fituese Federata e Sportit Shkollor u dëshiron suksese në garat Republikane që do të mbahen së shpejti. Falënderime shkojnë edhe për drejtorinë e shkollës ,,Abdullah Tahiri” si dhe pedagogun Bashkim Hyseni për organizimin.
Ndeshjet me korrektësi i udhëhoqi dyshja e gjyqtarëve Albin Rexhepi dhe Ermal Maliqi e nxënësit treguan disiplinë dhe edukatë të lartë të treguar, derisa pedagogët korrektësi dhe mirësjellje.
