Në listën e Lëvizjes VETËVENDOSJE!, 40 gra garojnë për Kuvendin e Republikës së Kosovës.
Në sheshin “Rexhep Mala dhe Nuhi Berisha” në Gjilan, kandidatët burra të Lëvizjes kanë shpërndarë fletushkën “Gratë kandidate të Listës tonë”, në mbështetje të grave kandidate.
Gratë janë shtyllë e familjes dhe themel i shoqërisë, të denja për udhëheqje dhe vendimmarrje, zë i fuqishëm i barazisë në kauzën tonë për Siguri dhe Begati.
Mbrëmë u takuam me të rejat dhe të rinjtë e qytetit, së bashku me Kryetarin e Komunës z. Alban Hyseni dhe kandidatët për deputet. Rinia është pasuria më e madhe e vendit dhe për këtë pjesë të shoqërisë jemi kujdesur që, në mandatin e parë, shkollimin universitar ta bëjmë pa pagesë.
Përveç kësaj, Qeveria Kurti ka sjellë politika konkrete për rininë, duke krijuar më shumë mundësi për punësimin e parë, praktikat profesionale dhe aftësimin e tyre në tregun e punës. Programi Superpuna ka qenë një mbështetje e drejtpërdrejtë për të rinjtë, duke lehtësuar punësimin dhe duke ndihmuar ndërtimin e përvojës profesionale që u hap dyert drejt një karriere të qëndrueshme.
