Drejtoria për Kulturë, Rini dhe Sport përshëndet hapjen e një hapësire alternative të dedikuar artit bashkëkohor, një iniciativë që pasuron jetën kulturore të qytetit tonë dhe krijon mundësi të reja për artistët, krijuesit dhe publikun artdashës.
Ky vend i ri synon të shërbejë si platformë për ide të reja, eksperimente artistike, dialog kulturor dhe prezantimin e praktikave bashkëkohore të artit, duke e zgjeruar hartën kulturore të Gjilanit edhe përtej qendrës urbane.
Në kuadër të hapjes së kësaj hapësire prezantohet edhe ekspozita e artistit Din Azizi, i cili përmes veprave të tij sjell një reflektim artistik mbi kohën, identitetin dhe realitetin bashkëkohor.
“HEKTAR I KOHËS”
Galeria e Artit Bashkëkohor “Know” ka kënaqësinë të njoftojë hapjen e ekspozitës personale të artistit Din Azizi, me titull “Hektar i Kohës”, më 12 qershor 2026, në ora 20:00.
Kjo ekspozitë shënon një moment të veçantë për artin bashkëkohor, duke përmbledhur 26 vite krijimtari artistike të njërit prej artistëve që ka eksperimentuar vazhdimisht me forma, mediume dhe qasje të ndryshme artistike. Përmes pikturave, instalacioneve, performancave, vizatimeve dhe veprave konceptuale, Din Azizi sjell para publikut një rrugëtim të gjatë krijues, të ndërtuar me përkushtim, kërkim dhe guxim artistik.
“Hektar i Kohës” paraqet një territor simbolik të mbjellë me ide, kujtime, procese krijuese dhe eksperimente artistike që kanë shoqëruar artistin ndër vite. Ekspozita ofron një mundësi për të reflektuar mbi kohën, transformimin dhe raportin ndërmjet artistit dhe shoqërisë.
Me kurimin e Kushtrim Sylejmanit, kjo ekspozitë hap një kapitull të ri jo vetëm për krijimtarinë e Din Azizit, por edhe për vetë Galerinë Know, e cila hap dyert e saj për publikun me synimin për të qenë një hapësirë e lirë për artin bashkëkohor, dialogun kulturor dhe idetë inovative.
26 vjet krijimtari.
1 hektar art.
Ju mirëpresim në hapjen e ekspozitës dhe në inaugurimin e Galerisë së Artit Bashkëkohor “Know”.
12 Qershor 2026
Ora 20:00
📍 Galeria Know
Rr. Ali Qerimi nr. 41, Livoç i Ulët – Gjilan
Mirë se vini!
#HektariIKohës #DiniAzizi #KnowGallery #Gjilan #ArtBashkëkohor Ekspozitë KosovoArt ContemporaryArt KnowContemporaryArtGallery
