KryelajmiSkuadra e Dritës, ka zyrtarizuar tre futbollistë. Ish-sulmuesi i Llapit, Alban Mavriqi, Toni Salihu dhe Viktor Kuka, janë tri përforcimet e bëra nga skuadra bardh e katërt.
Koha e Lëvizjes Vetëvendosje ka ardhur
Lëvizja Vetëvendosje!, një subjekti që sa vjen e ngritët, sa vjen e rritet, sa vjen e fuqizohet, nuk ka se si të mos vihet në pah një përshkrim i shkurtër i këtij rrugëtimi, nuk ka se si të mos vihen në spikamë të gjitha ato sakrifica, të gjitha ato flijime dhe sidomos s’ka se si të mos përmenden të gjithë ATA që u vunë në krye të këtyre sakrificave e flijimeve në mënyrë që sot të gjithë Ne të jemi në gjendje të korrim frytet e një procesi të jashtëzakonshëm zgjedhor i cili ka reprodukuar organe kaq të larta udhëheqëse në qendrën e Gjilanit të zgjedhur në mënyrë legjitime dhe tërësisht demokratike e transparente. Kështu është shprehur, të enjten mbrëma, Nehat Osmani, nënkryetar i parë i LVV, me rastin e aktit solemn të konstituimit të kryesisë së re.
Gjilanasit argëtohen deri pas mesnate me muzikë rock dhe popullore
Në një atmosferë impozante, me një interesim të paparë të qytetarëve të Gjilanit, është mbajtur mbrëmë gala koncerti rock-popullore, aktivitetet ky në kuadër të Muajit të Mërgimtarëve, i cili organizohet nën përkujdesjen e të parit të Gjilanit, Lutfi Haziri.
Gjilani prin në Rajon për aplikimin e teknologjisë së informimit dhe komunikimit
Komuna e Gjilanit, në bashkëpunim me Archis Inventions Prishtina si pjesë e projektit të Institutit për Zhvillim të Habitatit “Co-Plan” me seli në Tiranë, dhe Institutit për Zhvillim Urban Ndërkombëtar ‘I2UD’ me seli në SHBA, kanë organizuar sot punëtorinë me temën “si të përmirësojmë komunikimin, pjesëmarrjen dhe transparencën nëpërmjet përdorimit të teknologjisë së informimit dhe komunikimit”, ku kanë marrë pjesë përfaqësues nga shoqëria civile e nga organizatat rinore.
Ronaldo lojatari më i mirë në botë
Cristinao Ronaldo është lojtari më i mirë në botë, ka thënë Alex Ferguson, i cili dikur ishte trajner i portugezit.
Koncert për fëmijë të mërgimtarëve
Në kuadër të Muajit të Mërgimtarëve, nën përkujdesjen e kryetarit të Komunës së Gjilanit, është mbajtur sot një koncert për fëmijë, ku shumë fëmijë që jetojnë në Gjilan dhe në mërgatë u argëtuan me disa pika muzikore të interpretuar nga artistët e rinj.
Bursa e Turqisë ndihmon shkollat e Gjilanit me mjete teknike
Drejtoria e Arsimit e Komunës së Gjilanit në bashkëpunim me kryetarin e Shoqatës Kulturore” Kosova Shkupi”, Rexhep Gyndyz, sot u ka shpërndarë drejtorëve të institucioneve edukative arsimore të Komunës së Gjilanit, mjete teknike, 456 projektorë, 4 tabela interaktive, perde të projektorëve si donacion i dhuruar nga Drejtoria e Arsimit të Bursës së Turqisë.
Në Universitetin “Kadri Zeka” u mbajtën provimet pranuese
Në të gjitha fakultete e Universitetit “Kadri Zeka” në Gjilan u mbajtën provimet pranuese për pranimin e studentëve të rinj për vitin akademik 2016/2017.
Aktorët rezidentë të Teatrit të Gjilanit po i presin pagat
Aktorët deklarohen se nuk i morën pagat e qershorit, kurse zyrtarët komunalë arsyetohen se pagat janë gati por se procedurat po i pengojnë shpërndarjen e tyre.
Autostrada Prishtinë-Gjilan-Konqul kushton 260 milionë euro
Prezantohet projekti i Autostradës Prishtinë-Gjilan-Konqul, kostoja 260 milionë euro
Gjilan, 15 korrik 2016 – Nën organzimin e kryetarit të Komunës së Gjilanit, Ministria e Infrastrukturës ka prezantuar të premten projektin kapital të Autostradës Prishtinë-Gjilan-Konqul.
Në takim ka marrë pjesë kryetari Lutfi Haziri, ministri i Infrastrukturës, Lutfi Zharku, sikurse kryetari i Kamenicës, Begzad Sinani, kryetari i Vitisë, Sokol Haliti, ai i Kllokotit, Sreqko Spasiq, kryetari i Ranillugut, Gradimir Mikiq dhe kryetari i Komunës së Novobërdës, Svetislav Ivanoviq.
Nikoqiri i këtij takimi, Lutfi Haziri, prezantimin e këtij projekti e ka vlerësuar historik për Gjilanin dhe Anamoravën.
“Ne sot e pamë fazën përfundimtare të trasesë së Autostradës Konqul-Gjilan-Prishtinë dhe ndërtimit të rrugëve regjionale që përfshinë Gjilan-Prishtinë, Gjilan-Ferizaj, Gjilan-Preshevë dhe Gjilan-Bujanoc. Ne si Komuna, kemi marrë obligim me efikasitet dhe me azhuritet më të madh që detyrat që jepen nga Ministria e Infrastrukturës lidhur me shpronsimet dhe me angazhimet konkrete në të ardhmen të realizohen në afat rekord, në mënyrë që Ministria përkatëse të kompletoj dosjen e fillimit të punëve”, tha Haziri
“Është lajm jashtëzakonisht i mirë, është investim kapital dhe historik për tërë Anamoravën dhe këtë zonë të lindjes së Kosovës, e cila vërtetë është shembull i mirë i bashkëpunimit ndërkomunal, shembull i mirë i bashkëjetesës dhe me nivel të sigurisë shumë të lartë dhe pa asnjë lloj incidenti për motive të tjera”, shtoi kryetari i Gjilanit.
Ministri i Infrastrukturës, Lutfi Zharku, e ka falënderuar kryetarin Haziri për realizimin e këtij takimi lidhur me prezentimin projektit të rëndësishëm të Autostradës dhe projektin e rrugëve hyrëse dhe dalëse në Gjilan.
“Projekti i Autostradës është njëri nga projektet më me rëndësi që presim se do të filloj vitin e ardhshëm. Jemi në shqyrtim së bashku me dy institucione të rëndësishme financiare, BERZH dhe Bankën Investive Europiane. Gjithashtu, do të shqyrtojmë edhe mundësinë e fillimit të punëve për pjesën e parë, që është Prishtinë-Gjilan apo Banullë-Bresalc, ajo që njihet si segmenti me buxhetin e Republikës së Kosovës. Pastaj, zgjerimin e rrugëve hyrëse dhe dalëse të Gjilanit, e që përfshihet edhe rruga Kllokot-Gjilan dhe dy rrugë për dy qytete tjera. Për këto të fundit, besojmë që do të fillojmë kah fundi i vitit”, ka deklaruar me këtë rast ministri Zharku.
Zharku është zotuar se do të vazhdoj ta mbështesë Gjilanin edhe në projekte tjera të rrugëve komunale.
Kostoja e përafërt e autostradës është afro 260 milionë euro, derisa për rrugët tjera hyrëse dhe dalëse vetëm për Gjilanin 14 milionë euro, e që pritet të përfundohen brenda dy vitesh.
Përndryshe, Autostrada e cila u prezantua sot ka një gjatësi 47.1 kilometra, përbëhet prej shtatë segmenteve dhe gjerësia e saj do të jetë 32 metra. Në kuadër të këtij projekti do të jenë katër ura. Kjo autostradë do të lidhë koridorin 6, 7 dhe 10.