Është mbyllur ndjesha e parë gjysmëfinale Prishtina – Drita, që është e vlefshme për gjysmëfinalen e Kupës së Kosovës në Futboll. Rezultati ishte i barabartë 0:0, kurse gjithçka do të vendoset në ndeshjen e kthimit që do të luhet në Gjilan.
Në minutën 6, Genc Nuza dha penalti për Prishtinës, por u duk qartë se Ovouka i kishte duart prapa e u desh që të shkojë vetë gjyqtari që të vërtetohet dhe ai anuloi vendimin e mëparshëm. Pas kësaj ngjarje Drita e nisi presionin dhe e detyroi mbrojtjen e Prishtinës që disa herë të gabojë dhe në njërin prej këtyre gabimeve rast shumë të mirë pati Ajzeraj në minutën 11, por gjuajtjen e tij e ndali portieri Gjokaj.
Në minutën 16, Ajzeraj për mrekulli harkoi për Selmanin, që ishte në anën e djathtë, por ky nga afërsia me kokë gjuajti jashtë portës.
Një kombinim i tepruar i Dritës në mbrojtje, në kohën kur ishin me një lojtar më pak në fushë shkaku i lëndimit të Selmanit i ka kushtuar Dritës, kur Huruglica gabimisht ktheu topin prapa te Jashari i Prishtinës, i cili e gjeti Kryeziun, që me të majtën qëlloi topin në këndin e poshtëm të majtë të Malokut. Por, edhe kësaj radhe Drita pati fat, ngase në rrëzim e sipër, Jashari e kishte prekur topin me dorë, andaj pas shikimit të sistemit Var, goli u anulua.
Në pjesën e dytë, Drita rastin më të mirë e pati me Prapashticën në minutën 72, i cili gjuajti nga brendia e zonës, por topi për pak shkoi jashtë portës. Sulmuesi i ri i Dritës, Meris Maliqi ka patur rast të mirë shënimi në kohën shtesë, por gjuajtja e tij me kokë shkoi drejt në portierin Gjokaj. Ndeshja e kthimit do të luhet në Gjilan./kryelajmi.com/.
