Në Gjilan, mbeturina kudo

Ka tre ditë që Kompania “Eco Higjiena” nuk është duke i grumbulluar mbeturinat nëpër qytet, kurse tani kontejnerët janë stërmbushur, derisa shumë mbeturina edhe janë shpërndarë nëpër qytet dhe kjo ofron një pamje të shëmtuar.

Punëtorët e Kompanisë janë hedhur në grevë dhe po e bojkotojnë punën, duke kërkuar shkarkimin e drejtorit ekzekutiv, të cilin po e akuzojnë  për shpërdorim të detyrës zyrtare si dhe për raporte jokorrekte me punëtorët.

Punëtorët deklarohen se janë këmbëngulës në kërkesat e tyre, derisa në të gjitha këto zhvillime janë qytetarët që po pësojnë më së shumti, sikurse që po pëson edhe ambienti, që ka marrë një pamje të shëmtuar.