Në lokalitetin më të madh të komunës së Vitisë në Pozharan, ditëve të fundit është duke u punuar më intensitet të shtuar në realizimin e disa projekteve dhe mini – projekteve infrastrukturore.
Kështu krahas punëve që janë duke u bërë në rivitalizimin e stadiumit të futbollit ”Ibrahim Kurteshi”, pastaj trotuarit nga qendra e Qytezës e deri të “Ura e Kurteshit” në rrugën Pozharan –Viti , si dhe ndërtimit të urës së re mbi kanalin e Gelbushit , e të Fushës së sporteve të vogla në oborrin e SHF “”Halil Alidema””, e që nga dje kanë filluar punët edhe në rregullimin e ndriçimit publik në qendër të Pozharanit, nga hyrja në Pozharan deri në dalje të Pozharanit në tërë gjatësinë e rrugës që kalon nëpër Pozharan.
Ilir Zuka, administrator I Pozharanit, tha se këto projekte do të përfundojnë në afat dhe në kohë sa më të shpejt, duke theksuar se këto projekte ishin edhe kërkesë themelore e qytetarëve neper tubimet përkatëse e që ishin mbështetur edhe nga Këshilli I fshatit I zgjedhur këtë vit .
Ai ka shtuar se deri në fundvit në Pozharan do të punohet edhe në realizimin e disa projekteve rrugore në asfaltimin e tyre siç është : rruga nga Lagja Bajra e deri te Ura e Kurteshit që lidhe këtë lagje dhe një pjesë të Pozharanit me rrugën Pozharan-Viti si dhe rruga nga Lagja Bajra që lidhe këtë lagje me lagjen e Muhaxherve që do të shkurton gjatësinë e rrugës për rreth 1 kilometer duke lidhë Muhaxheret me qendrën e Pozharanit dhe me rrugën Pozharan –Viti./ Aziz Zuka
