Libri

Zemrës një i duhet

Alisa Bekteshi

Ma mbush gotën dashuri

më lejo të pi edhe unë pak.

Më mjafton që ta ndiej shijen

të të shijoj pak nga pak.

Më mbush jetën me përqafime

çdo herë që ti më takon

më jep thesarin n’fund të detit

ndjenjë e quajnë, më kupton?

Andaj ndjenjat bashkë t’i bëjmë

sepse zemrës vetëm një i duhet

një që është sikur vet dielli

çdo herë me dritë të mbushet.

Më mbush rrugën me kujtime

më jep diçka të flas kur të dal

mos mendo se nuk më duhen

edhe nëse pranë të kam.

M’i dhuro dashuritë më të mira

Ato që shpirtit i këndojnë nëpër botë

dorë për dore ne dhe dëshira

mes ndjenjash t’mbushim nga një gotë!