Aksionit të përgjithshëm në nivel të Kosovës për pastrimin nga hedhurinat dhe berllogu dhe të pastrimit në nivel vendi do ti bashkohët edhe komuna e Vitisë më 15 shtator.Kështu është bërë e ditur në njoftimin e Zyrës për informim në këtë komunë,ku veq tjerash thuhet se Vitia deri me tani ka larguar mbi 125 ton mbeturina, dhe se Kryetari i Komunës së Vitisë, Sokol Haliti siq dihet vitin 2018 e kishte shpallur vit të mbrojtjes së Mjedisit.
“Sipas të dhënave të cilat i kemi siguruar nga Drejtoria për Urbanizëm, Planifikim dhe Mbrojtje të Mjesit deri me tani janë mbajtur mbi 88 aktivitete të pastrimit në të gjitha lokalitetet e komunës së Vitisë.
Po ashtu sipas kësaj drejtorie deri me tani janë larguar 23 deponi ilegale të mbeturinave dhe gjithsej janë larguar mbi 125 ton mbeturina. Po ashtu Komuna e Vitisë, me qëllim të vetëdijesimit të qytetarëve, në veçanti të nxënësve ka mbajtur edhe ligjërata të shumta në shkolla mbi fushën e mbrojtjes së mjedisit. Megjithatë tani Komuna e Vitisë, ka formuar edhe ekipën udhëheqëse komunale për ditët e ambientit 2018 dhe po bënë edhe përgatitjet për shënimin e aksionit të madh të ambientit që do të zhvillohet nga 15 Shtatorit deri 15 Dhjetor 2018,thuhet në këtë njoftim. Aziz Zuka
