Përmes një njoftimi të publikur dhe postuar në hyrje të Gjykatës në Viti, në derë të këtij institucioni të drejtësisë, tregon se ky institucion nuk punonë. Kjo ngase stafi I administrates së Gjykatës Themelore, dega në Viti nga dita e djeshme, ka hyrë në grevë, sikurse kolegët e tyre në institucionet tjera të drejtësisë në nivel vendi.
Kështu, 28 punëtorët e administratës të kësaj Gjykate, kanë si kërkesë kryesore rritjen e pagave dhe pavarësimi nga shërbyesit civilë.Binak Mjaku kryesues i Këshillit të Grevës, ka thënë për Plus Tv, se greva do të vazhdoje derisa të plotësohen kërkesat e tyre të cilat sipas tij janë të arsyeshme.“Do të respektohet orari por nuk do të punohet, kërkesa bazike e këtyre punëtorëve është ngritja e pagave 100 përqind dhe pavarësimi nga shërbyesit civil”, tha ai.
Halil Zuka punëtor në këtë institucion, thotë se të gjithë grevistët kërkojnë rritjen e pagës dhe rregullimin e statusit të tyre.“Eprorët tanë i kanë pagat më të mira dhe kjo nuk është e drejtë, pikërisht kjo na ka detyruar të hymë në grevë, deri në realizimin e kërkesave”, tha ai.
E kryetari i Sindikatës për Viti, Emrush Osmani, ka thënë se kërkesat e tyre janë të qarta dhe se me ligjin e ri mbi pagat presin që të merren parasysh.“Deri më tash jemi staf civil, kërkojmë që nga tash të rregullohet statusi jonë, greva e nisur dje , nuk do të ndërpritet, deri sa të na realizohen kërkesat tona.Ndryshe, greva e punonjësve të administratës vije vetëm pak ditë pasi me vendimin e Qeverisë së Kosovës u rritën pagat vetëm për gjyqtarë dhe prokuror./Aziz Zuka
