Policia e Kosoves e përkushtuar në parandalimin e dhunës në familje
Policia e Kosovës në bashkëpunim me ICITAP-in Amerikan, kanë mbajtur në Viti një diskutim të hapur lidhur me rolin e forumeve të sigurisë në parandalimin e dhunës në familje.
Në takim merrnin pjesë pos anëtarëve të Këshillit komunal për Siguri në Bashkësi, Ekipit Veprues për Siguri në Bashkësi në Viti, edhe kryetari i komunës, Sokol Haliti dhe zëvendësi i tij Hasan Aliu, të cilët ofruan mbështetjen e institucioneve komunale të gjitha aktiviteteve që lidhen me sigurinë e në veçanti në mbrojtjen e familjes nga dhuna.
Përfaqësuesit nga Policia e Kosovës dhe të ICITAP-it folën mbi fenomenin e dhunës në familje dhe rastet në rritje të kësaj dukurie sidomos në këtë kohë pandemike.
Zyrtarë nga qendra të policisë dhe nga stacioni policor në Viti, që merrnin pjesë në këtë diskutim ofruar statistika duke thënë se dhuna në familje ka një trend shqetësues në rritje ku viktima më së shumit janë gratë.
U tha se priotitet për policinë kosovare është edhe parandalimi i kësaj dukurie serioze që shkatërron familjen pasi Policia e Kosovës është akteri kyq në luftimin dhe parandalimin e dhunës në përgjithësi. Sipas statistikave policore që u prezentuan del se nga raportimet në adresë të këtij institucioni në vitin 2020 janë raportuar 2 mijë e 69 raste të dhunës në familje ndersa në periudhën janar-maj të këtij viti kanë ndodhur 889 raste.
Imri Emërllahu nga Ekipi Veprues në për Siguri në Bashkësi në Viti, ka thënë se ekipet e tyre janë aktiv në identifikimin e shumë rasteve të cilat cenojnë sigurin në përgjithësi.
Ai kërkoi më shumë punë prej institucioneve përkatëse sa i përketë parandalimit të dukurive negative në shoqëri dhe rritje të sigurisë për të gjithë qytetatër që jetojnë në Kosovë. Pjesëmarrësit e kësaj tryeze, dolen me rekomandime për sa i përketë masave që duhet të ndërrmarin bashkarishtë të gjitha mekanizmat lokal në parandalimin e dhunës familjare.Aziz Zuka
