Klubi i Futbollit Gjilani ka angazhuar një lojtar të ri, i cili dukshëm do të përforcojë radhët e ekipit kuq e bardhë. Një njoftim i tillë është bërë publik në faqen zyrtare të klubit, ku është thënë se Fuat Karabeg është anëtari më i ri i familjes kuq e bardhë.
“I gëzohemi ardhjes së tij duke shpresuar që së bashku do të vazhdojmë rrugëtimin tonë drejt sukseseve. Pritshmëritë tona nga Fuati janë të mëdha, të atilla siç janë për të gjithë luftëtarët të cilëve u qëndrojmë mbrapa kudo që janë, është thënë në njoftimin e KF Gjilani.
