Qeveria e Kosovës bazuar në Vendimin më të ri të Ministrisë së shëndetësisë të Kosovës e në kuadër të masave që po ndermirën në Pandemi për mbrojtjen nga virusi KOVID 19 ka futur këtë komunë në Zonën e kuqe. Lidhur me këtë vendim Sokol Haliti kryetar i Vitisë ka thënë të jetë tepër i befasuar me këtë vendim qeveritar. Duke u prononcuar lidhur me ketë vendim më të ri të Ministrisë së Shëndetësisë për futjen e kësaj komune në zonën e kuqe të infeksionit me COVID-19.
Duke u prononcuar rreth kësaj çështje Sokol Haliti tha se pasi që është marrë vendimi, ai është njoftuar për masat e reja për këtë komunë.
“ Unë për këtë vendim jam njoftuar 5 minuta para orës 19:00, jam informuar që Komuna e Vitisë do të futet në zonën e kuqe. Patjetër që është dashur me u konsultuar, gjithsesi. Megjithatë, vendimi është marrë dhe ne do ta respektojmë” , tha Haliti.
Po ashtu, ai tregoi se numri i rasteve aktive në këtë komunë është 166 dhe që sipas tij situata e tanishme është e menaxhueshme.
“Numri i rasteve aktive me koronavirus është 166. Ne jemi duke menaxhuar situatën dhe e kemi menaxhuar që nga fillimi.
Vitia ka qenë në menaxhim e suksesshme që nga lajmërimi i parë i personit të infektuar me këtë virus me 13 mars të këtij viti, megjithatë situata e tanishme është qfarë është, në Kosovë, në regjion dhe në botë me pandeminë nuk bënë përjashtim Kosova dhe as Vitia në këtë situatë”, tha ndër të tjera Haliti.Aziz Zuka
