Kënaqësi të presim sot në takim artistin tonë të jashtëzakonshëm, Brilant Milazimin, së bashku me Hana Halilajn nga Galeria Kombëtare e Kosovës.
Në këtë takim të përbashkët, ku të pranishëm ishin edhe drejtori për Kulturë, Kushtrim Zeqiri dhe zyrtari i Galerisë së Arteve në Gjilan, Din Azizi, diskutuam për rrugëtimin e radhës të Brilantit drejt njërës prej skenave më të mëdha botërore.
Komuna e Gjilanit do të ofrojë mbështetje financiare për këtë rrugëtim të rëndësishëm, duke qëndruar pranë artistëve tanë në hapa që i japin zë dhe vlerë kulturës sonë. Me talentin e tij unik, Gjilani dhe Kosova do të përfaqësohen me dinjitet në Bienalen e Venecias që nis më 6 maj.
Brilanti po merr me vete në Venecia jo vetëm artin e tij, por edhe gjithë përkrahjen tonë. I urojmë vetëm suksese në këtë rrugëtim, derisa zotohemi se edhe në vazhdim komuna do të vazhdojë përkrahjen për të dhe artistët tjerë të Gjilanit që na bëjnë vazhdimisht krenarë!
