Ismajl Kurteshi ka seancën për zgjedhjen e kryesuesit të Asamblesë Komunale të Gjilanit, por në bazë të zhvillimeve të gjertanishme marrëveshje në mes të subjekteve politike nuk ka, shkruan kryelajmi.com
Asamblistët e Kuvendit Komunal të Gjilanit qysh para Vitit të ri janë vënë në dijeni se më 05.01.2022 me fillim nga ora 10:00 do të mbahet Mbledhja e Kuvendit të Komunës së Gjilanit. Ajo do të mbahet në sallën e mbledhjeve të Kuvendit të Komunës së Gjilanit.
Njëra ndër pikat e rendit të ditës është edhe zgjedhja e Kryesuesit të Asamblesë Komunale e në bazë të numrit të ulëseve asnjëra nga subjektet politike e vetme nuk mund ta bëjë zgjedhjen e kryesuesit të ri.
Deri më tashti nuk është arritur ndonjë marrëveshje mes subjekteve politike dhe nuk dihet se kush do të mund të zë vendin e ish-kryesueses Shpresa Kurteshi – Emini.
Asamblistët tashmë kanë marrë ftesa për të marrë pjesë në seancën për zgjedhjen e kryesuesit e në cilësinë e këshilltarit më të vjetër, Ismajl Kurteshi nga radhët e Lëvizjes Vetëvendosje pos datës, orës dhe vendit ka bërë publik edhe rendin e ditës.
Në fakt, në bazë të Ligjit për vetëqeverisje lokale, kryesuesi i Kuvendit duhet të zgjidhet më së largu 30 ditë pas betimit të anëtarëve të asamblesë.
Rendi i ditës i seancës është si në vijim:
- Konstatimi i prezencës së anëtarëve të Kuvendit
- Betimi i anëtarëve të Kuvendit
- Zgjedhja e Kryesuesit të Kuvendit, (Formimi i Komisionit për mbarëvajtjen e procesit të votimit për zgjedhjen e Kryesuesit të Kuvendit)
- Propozim-vendimi për caktimin e numrit të anëtarëve të Komiteteve obligative dhe të Komiteteve tjera të Kuvendit të Komunës së Gjilanit
- Propozim-vendimi për themelimin e grupit punues për hartimin e planit vjetor të punës të Kuvendit të Komunës së Gjilanit për vitin 2022
- Propozim-vendimi për miratimin e orarit të mbledhjeve të Kuvendit dhe Komiteteve të KK-Gjilan
- Të ndryshme
kryelajmi.com
