Formacioni i Dritës përballë Dukagjinit
Drita nuk guxon të gabojë ndaj Dukagjinit
Një ditë para ndeshjes së 25-të kampionale, FC DRITA mbajti konferencë për media ku u diskutua pë përgatitjet e ndeshjes ndaj KF Dukagjinit dhe pritshmëritë. Para mediave u paraqitën kryetrajneri, Ardian Nuhiu dhe futbollisti, Ardit Tahiri.
Trajneri ynë, Nuhiu theksoi se në ndeshjet e rradhës gabimi duhet të jetë minimal dhe fitorja është synimi i vetëm edhe në takimin ndaj KF Dukagjinit.
“Ndeshjen e nesërme do ta vlerësojmë në maksimum, pasi përballemi me një skuadër me formë të mirë në tri ndeshjet e fundit, me individë cilësorë dhe taktikisht e diciplinuar. Kemi analizuar ndeshjet dhe jemi të bindur si unë dhe futbollistët që të qasemi me seriozitetin më të madh, sepse po shkojmë drejt fundit të kampionatit dhe ndeshjet po pakësohen. Nuk kemi të drejtë të gabojmë dhe duhet të vazhdojmë të luajmë futboll të mirë, si në ndeshjen e fundit. Preferoj të kemi lojë të rrjedhshme dhe të kesh topin në qarkullim, të ndërtojmë në ato hapësira që na krijohen për të marrë më të mirën nga secila ndeshje. Kemi përgatitur ndeshjen dhe jemi të vetëdijshëm se cfarë duhet të bëjmë nesër”, ka thënë Nuhiu.
Kurse, futbollisti ynë, Ardit Tahiri theksoi së përkundër kohës së shkurtër nga ndeshja e javës së 24-të, FC DRITA është gati dhe synojnë fitoren në cdo ndeshje të mbetur kampionale.
“Nesër na pret një ndeshje mjaft me rëndësi, ne duhet ta harrojmë ndeshjen e kaluar në të cilën zhvilluam një lojë të mirë. Ishte kohë e shkurtë për t’u rigjeneruar dhe përgatitur ndeshjen e rradhës ndaj KF Dukagjinit, por kemi analizuar kunërshtarin dhe nesër presim vetëm fitore e tri pikë. Ka qenë privilegj të luaj në derbin që secili futbollist e ëndërron, e merituam fitoren sepse ishte ndeshje shumë e bukur, por ne do të fokusohemi te takimi i rradhës që t’i marrim ndeshjet një nga një dhe të shpallemi kampion”, potencoi Tahiri.
Gazetarët e pranishëm pyetën për vazhdimësinë e kampionatit, ndeshjet e kaluara, rezultatet dhe synimet e DRITËS në pjesën e mbetur të kampionatit.
Për këtë, kryetrajneri ynë, Ardian Nuhiu theksoi se FC DRITA nuk do të dorëzohet asnjëherë, sidomos në një kampionat të rivalizuar e ku fituesi do të vendoset krejt në fund.
“Nuk do të dorëzohemi asnjëherë përderisa matematikisht mund ta kapim kreun, sepse të gjitha skuadrat që jemi lart mund ta vazhdojmë luftën. Po shohim një kampionat të barabartë, ku secili është mposhtur dhe ka ende ndeshje ku do të përballemi mes veti dhe ekipi që do të gabojë më pak do të vazhdojë rrugën për pjesën e epërme të tabelës. Kjo të jep shpresë se nuk duhet të dorëzohemi në asnjë moment dhe duhet të shfrytëzohet rasti, të luftohet deri në fund dhe kam besim se do të kthehemi. Do të jetë kampionat i rivalizuar deri në fazën finale ku do të vendoset gjithcka”, përfundoi Nuhiu.
Trajneri, Ardian Nuhiu njoftoi se nesër do të mungojnë Arbnor Muja dhe Ardian Limani për shkak të lëndimeve, ndërsa Ardian Cuculi për shkak të kartonit të kuq në fund të ndeshjes së kaluar.
Konferencën e plotë mund ta ndiqni në profilin zyrtar të klubit, https://fb.watch/bIx_32pbLT/
FC DRITA
Ardian Cuculi u ndëshkua me dy ndeshje moslojë
Kjo është tabela në Superligë pas ndeshjeve të sotme
Tabela në Superligë: Gjilani i afrohet Ballkanit në një pikë
Munishi barazimin e vlerëson real
Trajneri i Gjilanit, Ismet Munishi, ka komentuar derbin e zhvilluar ndaj Dritës, derisa ka thënë se rezultati përfundimtar 1-1, ka qenë real.
“Nuk ka qenë një ndeshje e zakonshme, por ka qenë një derbi i madh dhe natyrisht se ka emocione. Gabime kemi bërë të dyja ekipet për shkak të fushës. Rezultati ka qenë real sepse kur pritëm të shënojmë golin e dytë, ne pranuam gol të lirë. Gola të tilla nuk duhet të pranojmë pasi që do të mund të na kushtojnë me humbje,” ka thënë ndër të tjera Munishi.
Pa fitues në kryendeshje
Dëshira e madhe e të dyja skuadrave për fitore u pa në fushë. Mirëpo, rezultati doli të jetë në fund i barabartë, derisa secila skuadër kapi nga një pikë prej ndeshjes, ku të dyja e donin gjahun e plotë, trepikësh.
E barazimi 1-1 [Ilir Blakçori 54 – Shend Kelmendi 20] më së shumti i ka konvenuar liderit të renditjes Ballkani, që ka ruajtur epitetin e kryesuesit të Superligës përkundër humbjes së papritur ndaj Malishevës dje.
Gjilani me pikën e fituar iu afrua Ballkanit në një pikë, ndërsa Drita tashmë është shtatë pikë larg liderit dhe veçse është pas në luftë për titull.
Sa i përket ndeshjes, të dyja golat erdhën nga gabimet e mbrojtjeve të kundërshtarëve, ku së pari Shend Kelmendi shënoi për ekipin e Ismet Munishit në pjesë të parë, ndërsa ekipi i Ardian Nuhiut barazoi në fillim të pjesës së dytë.
Raste, në të dyja anët. Kartona plotë, ndërsa në fund Ardican Cuculi i Dritës lëshoi lojën më herët për shkak të kartonit të kuq. Tre kartonë të verdhë për Dritën, pos të kuqes së Cuculit, ndërsa katër për Gjilanin në anën tjetër.
Në xhiron e radhës Drita udhëton në Klinë për tu përballur me Dukagjinin, ndërsa Gjilani do të luajë edhe një derbi, ndaj Llapit.
