ARSIMI

Dr. sc Faik Sahiti pas disa dekadave në procesin e mësimdhënies, kalon në pozitën e inspektorit të arsimit

Faik Sahiti, doktor I Historisë, pas disa dekadave me ditarë në dorë, duke I mësuar e arsimuar nxënësit në lëndën e historisë, nga java që vjen do të kalojë në pozitën e inspaktorit të arsimit për të dhënë e kontribuar edhe më tepër në arsim, por tashti në një detyrë të re.

Për vite të tëra, profesori Faik është treguar I afërt me nxënës e kolegë, pedant dhe shumë I përgatitur gjatë ligjëratave, andaj këtë fundjavë, nga Gjimnazi “Zenel Hajdini” atij I është organizuar një përcjellje madhështore dhe I është ndarë mirënjohje për kontributin e dhënë ndër vite.

Drejtori I Gjimnazit “Zenal Hajdini”, magjistër Jeton Rexhepi, ka theksuar se sot janë  bashkë për të nderuar e vlerësuar kolegun e mikun, profesor Faik Sahitin dhe angazhimin, punën e përkushtimin e tij në Gjimnazin “Zenel Hajdini” në cilësinë e zëvendësdrejtorit në këtë shkollë, Koordinatorit të cilësisë e veçanërisht mësimdhënësit të historisë, si model që duhet ndjekur e vlerësuar. Jemi bashk sot, për të nderuar profesorin Faik si kolegë, mik e njeri të jashtëzakonshëm që kurdo ishte pranë dhe me secilin prej nesh me profesionalizmin dhe këshillat e ndihmën që na ka ofruar pothuaj të gjithë neve.

“Gjimnazi jonë sot humb një profesor të shkëlqyeshëm, një drejtues e punëtor të ndershëm e plot dashuri për këtë shkollë dhe sukseset e nxënësve tanë. Personalisht, do të më mungojë krahu im i djathtë në punë e angazhime; po sigurisht miqësia dhe angazhimi jonë i përbashkët nuk do të preken nga distanca fizike.

Secili nga ne kemi mësuar diçka nga profesori Faik; nga profesionalizmi i tij si mësimdhënës, drejtues e trajnues – kemi mësuar nga fjalët e tij, nga veprimet e qëndrimet e prera apo edhe nga mënyra si e ka shpërfaqur papajtueshmërinë e këmbëngulësinë”, ka thënë drejtori Rexhepi, duke shtuar se për të gjitha këto shpreh mirënjohjen e falënderimin e thellë për gjithçka ishe në këtë shkollë si njeri, mik e profesor! Të faleminderit, miku im Faik Sahiti.

Ndonëse më rrallë do të të shohim në hapësirat e kësaj shkolle, e dimë se kjo ishte dhe do të mbetet shtëpia jote – ti miku ynë – njeriu ynë i mirë!

E di se do të vazhdosh të na ndihmosh edhe nga pozita e re e jote e punës.

E di se edhe në cilësinë e Inspektorit të arsimit do të mbetesh ky që ke qenë gjithmonë!

Gjimnazi ” Zenel Hajdini” vërtet humb nga mungesa jote, po jemi krenar edhe ne, sepse profesionalizmin tënd ia dorëzojmë arsimit në komunën tonë.

Gjithmonë do të jesh pjesë e kësaj shkolle, e ne miqve e kolegëve tu dhe e nxënësve.

Të dëshirojmë shëndet e gëzime në punën e re, sepse për suksesin tënd as që na shkon mendja të dyshojmë.

Faleminderit për gjithçka ke bërë për ne e shkollën tonë, për nxënësit e suksesin e tyre.

Të presim gjithmonë këtu ku do na lësh ne, dhe të presim të na ndihmosh edhe në të ardhmen, duke t’u falënderuar për mirësinë e të qenit mik i yni.

You Might Also Like