Futboll

Gjilani zhvendoset në Durrës, vijon përgatitjet për pjesën e dytë kampionale

Durrës, 16 Janar- Skuadra e Gjilanit nën udhëheqjen e kryetrajnerit, Bylbyl Sokoli, nga qyteti i Gjilanit është zhvendosur në qytetin bregdetar të Durrësit, për ti vijuar përgatitjet për pjesën e dytë kampionale të edicionit 2020/2021.
Skuadra ka udhëtuar e plotë, kurse gjendja e futbollistëve është e mirë dhe stabile.Vlenë të ceket se Keita Razak po punon i diferencuar nga skuadra dhe gjendet në fazën finale të rikuperimit, ku shumë shpejt do t’i bashkangjitet grupit të futbollistëve.
Të diferencuar nga grupi gjithashtu po stërvisin edhe Edison Kqiku e Tomislav Bushiq, me Kqikun i cili po rikuperohet nga lëndimi prej ndeshjes kundër Ballkanit dhe Bushiq, i cili po punon maksimalisht për tu rikthyer në formën maksimale në pjesën e dytë kampionale të këtij edicioni.
Skuadra përgatitjet do ti vijoj për 15 ditë në Shqipëri, me kushtet atmosferike të cilat janë të favorëshme për vazhdimin e përgatitjeve në mënyrë sa më cilësore.
Gjatë kësaj faze përgaditore skuadra gjithashtu do të luaj edhe disa ndeshje testuese, mbi të cilat do ju informojmë me kohë.

You Might Also Like