Kuvendi Komunal, i Gjilanit mblidhet nesër në seancë urgjente për shqyrtimin e çështjeve që lidhen me bartjen e mjeteve dhe miratimin e buxhetit për vitin 2025.
Kryetari i Komunës së Gjilanit, Alban Hyseni dhe përfaqësuesit e shoqatave, kërkojnë nga opozita që të miratojnë bartjen e mjeteve dhe buxhetin.
“Opozita me lojëra politike po i humb miliona Gjilanit. Thirrjes sonë kundër bllokimit të buxhetit i janë bashkuar edhe përfaqësuesit e shoqatave”, tha Hyseni.
I pari i komunës, tregoi se në konferencë për medie i kërkuan opozitës të ndalojë lojërat politike dhe të mendojë për qytetarët e Gjilanit.
“Mos shfrytëzoni buxhetin si mjet për poena politikë. Kjo është papërgjegjësi ndaj qytetarëve”, tha kryetari Hyseni.
