Kuvendi Komunal i Vitisë ka mbajtur sot një seancë të jashtëzakonshme me vetëm një pikë të rendit të ditës: shqyrtimi dhe miratimi i propozim-vendimit për bartjen e mjeteve nga të hyrat vetanake të vitit 2025 në vitin 2026.
Propozimin para kuvendarëve e paraqiti drejtoresha për Buxhet dhe Financa, Milihate Ajeti, e cila njoftoi se vlera e përgjithshme e mjeteve që barten në vitin 2026 është 303,855.75 euro.
Sipas propozimit, nga kjo shumë, 6,776.91 euro janë mjete të pashpenzuara nga viti 2025, ndërsa 297,078.84 euro paraqesin tejkalim të planit të të hyrave vetanake gjatë vitit 2025.
Mjetet e bartura janë planifikuar të shpërndahen në këto kategori: Mallra dhe shërbime – 559.28 euro, si dhe subvencione dhe transfere – 1,230.00 euro. Ndwrsa investime kapitale 302,066.47 euro.
Pjesa më e madhe e mjeteve, në vlerë prej 297,078.84 euro, do të destinohet për projektin “Pjesëmarrja në projekte me donatorë”, ndërsa 4,987.63 euro do të shfrytëzohen për renovimin e ambulantës në Viti.
Pas diskutimeve, Kuvendi Komunal e miratoi me shumicë votash propozim-vendimin për bartjen e mjeteve nga të hyrat vetanake të vitit 2025 në vitin 2026.Aziz Zuka
