Kryetari i Komunës së Vitisë, Sokol Haliti, së bashku me përfaqësues të institucioneve komunale dhe familjarë, ka bërë homazhe pranë shtatores së heroit Hasan Ali-Remniku, në përkujtim të përvjetorit të rënies së tij.
Me këtë rast, në shenjë respekti, nderimi dhe mirënjohjeje të thellë, u përkujtua jeta, vepra dhe sakrifica e heroit, i cili me përkushtimin dhe qëndresën e tij la gjurmë të pashlyeshme në historinë e përpjekjeve për lirinë e vendit.
Homazhet pranë shtatores së heroit përbëjnë një moment të rëndësishëm kujtese, duke rikujtuar sakrificat e atyre që dhanë jetën për lirinë dhe të ardhmen e Kosovës. Njëkohësisht, ato shprehin detyrimin moral e institucional për të ruajtur kujtesën historike dhe për t’ua përcjellë brezave të rinj vlerat e atdhedashurisë, guximit dhe përkushtimit ndaj vendit.
Përkujtimi i heronjve të kombit mbetet një dëshmi e respektit të përhershëm për ata që u flijuan për liri, si dhe një thirrje që sakrifica e tyre të mos harrohet kurrë.
Lavdi e përjetshme heroit Hasan Ali-Remniku.Aziz Zuka
