Pas dy viteve e gjysmë të mbushura me përkushtim, profesionalizëm dhe momente të paharrueshme, Sport Club Gjilani e falënderon Senad Jarović për kontributin e jashtëzakonshëm të dhënë me fanellën kuqebardhë.
Gjatë kësaj periudhe, Jarovic zhvilloi 80 ndeshje në Superligën e Kosovës, duke realizuar 40 gola dhe 17 asistime – një kontribut mbresëlënës që përkthehet në një gol ose asistim çdo 170 minuta. Në Kupën e Kosovës, ai regjistroi 5 paraqitje, me 1 gol dhe 2 asistime, duke dëshmuar vlerat e tij në çdo garë.
Me golat, angazhimin dhe karakterin e tij, Senadi la gjurmë në historinë e klubit tonë dhe fitoi respektin e tifozëve kuqebardhë.
Sport Club Gjilani i shpreh mirënjohjen më të sinqertë për gjithçka dha për këtë fanellë dhe i uron shumë suksese në vazhdim të karrierës së tij, si në aspektin profesional ashtu edhe në atë personal.
