Sot janë zhvilluar të gjitha ndeshjet e javës së 34-t në Superligën e Kosovës në futboll.
Drita – Dukagjini dhe Malisheva – Drenica ishin dy ndeshjet që nuk dhuruan fitues. Të dy këto ndeshje u mbyllen baras dhe pa gola, shkruan Gazeta Express.
Gjilani shënoi fitore në udhëtim te Llapi me rezultatin 2:4. Blerim Krasniqi shkëlqeu në këtë ndeshje duke realizuar het-trik, kurse Shend Kelmendi shënoi golin e katërt për “Skifterat”.
Bianor Neto shënoi të dy golat për llapjanët.
Fitore në udhëtim shënoi edhe kampioni, Ballkani. Skuadra nga Suhareka mposhti Feronikelin 0:2. Ermal Krasniqi dhe Malsor Ajeti shënuan golat e fitores.
Edhe Prishtina fitoi si mysafire e Ulpianës me rezultatin 0:3. Sadam Sulley ishte autor i dy golave, teksa një u shënua nga Leonit Abazi. /Gazeta Express/
