Nuhiu: Kam besim te grupi, tifozët motiv shtesë
Në prag të ndeshjes së xhiros së 14-të, FC DRITA – KF Drenica është mbajtur konferenca për media, ku u paraqitën kryetrajneri, Ardian Nuhiu dhe futbollisti, Esosa Priestley.
Trajneri ynë, Nuhiu fillimisht foli për rëndësinë e takimit dhe pritshmëritë.
“KF.Drenica po bënë një punë të mirë, është skuadër e shpejtë në sulm dhe agresive në mbrojtje. Jemi munduar që në aspektin taktik të përgatisim një kundërlojë, që nesër besoj ta shfaqim në mënyrën më të mirë. Na gëzon fakti që kthehen tifozët tanë, na kanë munguar shumë, kam besim që do të na mbështesin dhe do t’i japin skuadrës një motiv shtesë për të shkuar drejt fitores”, ka thënë Nuhiu.
Ndërkaq, futbollisti Esosa Priestley theksoi se tashmë kanë marrë energjinë e duhur dhe janë gati për ndeshjen.
“Ne jemi takuar tashmë me Drenicën dhe kemi arritur të fitojmë. Mendoj se kemi marrë enërgjinë e duhur nga përgatitjet dhe jemi gati për ndeshjen e rradhës. Shpresoj të marrim rezultat të favorshëm dhe të fitojmë tri pikë”, deklaroi Priestley.
Kryetrajneri Nuhiu foli për përgatitjet dy javore, për çka tha se kanë marrë ngarkesën e nevojshme për fazën finale të stinorit.
“Kemi pesë ndeshje deri në fund të stinorit dhe duhet të jemi të kujdesshëm e të vëmendshëm. Jam i kënaqur sesi janë përgjigjur djemtë në këtë mini fazë përgatitore, kemi punuar me skuadrën në aspektin taktik dhe psikologjik dhe jemi munduar t’i përmirësojmë gabimet që janë shfaqur. Falënderoj futbollistët për angazhimin, sepse e dijmë që kemi grup të rinj dhe momentin që e ndërton një skuadër të re është qështje kohe se kur arrin kompaktësinë. Çdo ditë që po kalon djemtë po njiheni me njëri-tjetrin dhe kam besim te grupi që nga ndeshja e nesërme t’i marrim pikët që kemi lënë rrugës. Shpresoj që në ndeshjet e ardhshme të tregojmë kualitetet tona”, theksoi Nuhiu.
Trajnei Nuhiu njoftoi se forma e futbollistëve është e mirë, Arbnor Muja është rikuperuar, gjersa në ndeshjen e nesërme mungojnë Rron Broja dhe Muharrem Jashari.
Takimi FC DRITA – KF Drenica zhvillohet nesër, e shtune, ora 13:00 në stadiumin “Selami Osmani – Bezi” në Gjilan.
Konferencën e plotë mund ta ndiqni në profilin zyrtar të klubit, https://fb.watch/9nsxWYQ59O/ .
FC DRITA⬜🟦
