Gjilani I është rikthyer fitoreve, në një ndeshje ku ekipi ka treguar karakter të lartë, ngase përkundër se ishte në disavantazh me rezultat 0:1, Gjilani diti të kthehet dhe shënoi fitore të merituar me rezultat 3:1.
Gjilani nuk e nisi mirë ndeshjen, ngase në minutën 28 ka pësuar gol, kur Dior Zabërgja, gjuajti nga largësia dhe mposhti Enea Koliqin për 0:1.
Pasi kanë pësuar, vendasit nuk u dorëzuan, por nisën të bëjnë trysni në portën mysafire dhe pak pa përfunduar pjesa e parë, gjegjësisht në minutën 43, Gramoz Kurtaj nga brendia e zonës ia doli që të barazojë rezultatin në 1:1.
Pjesëloja e dytë në tërësi I ka takuar Gjilanit, kurse krah sulmeve të Gjilanit u dha Edison Kqiku që u fut në lojë.
Kështu, në minutën 60, Kqiku shpërtheu nga e djathta dhe me një veprim mashtrues iu shmang dy mbrojtësve, kurse me të parën gjuajti dhe qëlloi këndin e poshtë të djathtë të Kaqiut.
Gol ka shënuar edhe Darko Nikaq, që është shërbyer nga Kqiku dhe ka ngritur rezultatin në 3:1.
