Të dashur bashkëfshatarë të Perlepnicës,
Jam njëri prej jush. Jam rritur në këtë tokë, me këto rrugë, me këta njerëz dhe me këto halle që i njohim të gjithë. Sot po ju drejtohem me zemër të hapur dhe me respekt të madh.
Në mesin tonë kemi një njeri që nuk ka folur shumë, por ka punuar shumë. Një njeri që nuk e ka harruar kurrë fshatin, as kur ka pasur mundësi të ecë përpara në jetë.
Rexhep Kadriu ka qenë gjithmonë pranë Perlepnicës – me vepra, me përkushtim dhe me përgjegjësi.
Kontributi i tij për fshatin tonë nuk ka qenë fjalë, por punë konkrete, dhe këtë e dimë ne që jetojmë këtu. Ai ka ndihmuar aty ku ka mundur, pa zhurmë, pa interes personal, vetëm sepse e ka dashur këtë vend dhe këta njerëz.
Sot, me përulësi dhe respekt, ju kërkoj mbështetjen tuaj.
Jo si detyrim.
Jo si imponim.
Por si besim për një njeri që e ka dëshmuar veten.
Një votë për Rexhep Kadriun është një votë për dinjitet, për punë të ndershme dhe për zërin e Perlepnicës që të dëgjohet më fort.
Me dashuri për fshatin tonë dhe me shpresë për të ardhmen,
🙏🤍 Rexhep Kadriu 52✅
