Kryetari i Komunës së Vitisë, Sokol Haliti dhe Milot Lala, Drejtor për Kulturë, Rini dhe Sport, kanë pritur sot në takim boksieren vitiase, Djellza Ahmeti. Me këtë rast Kryetari Haliti e ka përgëzuar atë për suksesin e arritur, konkretisht për vendin e dytë që e ka marrë në turnirin Ballkanik që është mbajtur vitin e shkuar në Durrës së Shqipërisë dhe atë në kategorinë prej 63 kilogram për femra. Kryetari Haliti tha se komuna e Vitisë, mbetet e përkushtuar të mbështes sportistët vitias duke potencuar se ata po krijojnë edhe kushte për zhvillimin e disiplinave të ndryshme sportive duke përmendur edhe ndërtimin e palestrës sportive në Viti. Përndryshe në këtë takim ka marrë pjesë edhe Përgjegjësi për Sport e Rini në Komunën e Vitisë, Emrush Azemi.
