Në xhiron e tretë të Raiffeisen Superligës A në volejboll për femra, Drita arriti një fitore të rëndësishme ndaj Fushë Kosovës me rezultat 3-1, duke dominuar në pjesën më të madhe të ndeshjes dhe siguruar tri pikë të vlefshme.
Seti i parë filloi me një ritëm të mirë për Dritën, që e kontrolloi lojën me sulme të sakta dhe mbrojtje të fortë. Fushë Kosova tentoi të rivalizonte, por vendaset ruajtën qetësinë në momente kyçe dhe e mbyllën setin në favor të tyre me rezultat 25:21.
Seti i dytë solli një rikthim të fuqishëm nga Fushë Kosova, që shfaqi më shumë stabilitet në lojë dhe shfrytëzoi disa gabime të Dritës për të fituar 22:25, duke barazuar rezultatin në sete 1-1 dhe duke bërë garën më të ngushtë.
Seti i tretë u dominua plotësisht nga Drita, e cila riorganizoi radhët e saj dhe mori kontrollin e ndeshjes. Me sulme të fuqishme dhe një ritëm të pandalshëm, ato fituan setin me 25:17, duke rikthyer epërsinë në sete dhe vendosur presion mbi Fushë Kosovën.
Në setin e katërt, Fushë Kosova tentoi të mbante lojën në ekuilibër, por Drita e ruajti qetësinë dhe vazhdoi me lojë të disiplinuar. Me një përformancë të qëndrueshme, ato mbyllën setin 25:19, duke siguruar fitoren e merituar 3-1 në sete.
Kjo fitore e Dritës shënon një hap të rëndësishëm në garën për kreun e tabelës, në përpjekje për ta mbrojtur titullin.
