Kryetari i Komunës së Vitisë, Sokol Haliti ka mbajtur sot një takim të përbashkët me drejtorët e drejtorive, policinë e Kosovës, shefave të grupeve të këshillëtarve të Kuvendit të Komunës së Vitisë dhe shoqërisë civile për të i njoftuar rreth masave që ka ndërmarrë mbrëmë Qeveria e Kosovës për parandalimin e përhapjes së virusit COVID-19. Ai gjithashtu i njoftoj ata rreth masave parandaluese që ka ndërmarrë kjo komunë me mekanizmat e ndryshme. Kryetari Haliti kërkoj nga të gjithë që të ndjekin udhëzimet që vijnë nga niveli qendror por edhe nga Organizata Botërore e Shëndetësisë edhe pse akoma në Kosovë, zyrtarisht nuk ka asnjë rast të konfirmuar të prekjes së qytetarëve nga Koronavirusi. Kreu i Komunës kërkoj nga të gjithë që të jenë të përgatitur pasi që kjo pandemi veç se ka arritur edhe në shtetet me të cilën kufizohet Kosova.Aziz Zuka
