Një autogol i veriomaqedonasit Gligorov, ka vendosur ndeshjen në mes të Gjilanit e Ferizajt, në të cilën fitues doli ekipi vendas me rezultat 1:0.
Pas një baraspeshe një çerek ore në fillim të ndeshjes, Gjilani nisi të mbizotërojë në fushë dhe krijoi disa raste të mira shënimi, ku protagonist kryesor ishte kroati Edi Basha. Ai në tri raste gjuajti , po pa ia dalë që të shënojë. Në tastin e parë gjuajtja e tij ishte direkte dhe u prit nga Jovanovski, në të dytin pas harkimit nga e majta gjuajti me të parën, por sërish Jovanovski arriti të shpëtojë golin e në të tretin, ai shpërtheu vetë dhe kur gjuajti topi për pak shkoi jashtë pingules. Kështu pas 45 minutave lojë, pjesa e parë u mbyll pa gola 0:0.
Ferizaj e pati rastin më të mirë në minutën 48, kur Jusufi harkoi nga e djathta për Haxhimusën, i cili gjuajti nga afërsia, por ishte portieri i Gjilanit Kenan Haxhihamza që me mund e dërgoi topin në fundore. Në pjësëlojën e dytë loja e Gjilanit ra në ritëm, andaj u desh të bëhen disa zëvëndësime, kurse edhe Ferizaj luante asisoj sa për të nxjerrë një pikë.
Në rastin e parë në pjesën e dytë Gjilani ia ka dalë të shënojë edhe atë në minutën 81. Thaqi shpërtheu nga e djathta, harkoi në brendi dhe në thellësi dhe dy veriomaqedonasit portieri Jovanovski dhe Gligorov u ndeshën mes vete, e ky i fundit duke u munduar të shpëtoj golin e futi në portë të vetë. Një minutë më pas Avdul, i Ferizajt pati rast të mirë, por kur deshi të gjuajë, ai rrëshqiti dhe topi shumë butë shkoi te portieri Haxhihamza.
Në xhiron e ardhshme, Gjilani sërish do të luajë në shtëpi, kësaj radhe ndaj Llapit nga Podujeva. /kryelajmi.com/.
