Kryetari i Komunës së Vitisë, Sokol Haliti ka takuar dje disa mërgimtarë vitias. Gjatë këtij takimi ai përveç që ju uroj atyre pushime të këndshme në Kosovë, ndër tjerash ka bashkëbiseduar me ta edhe për projektet të cilat janë realizuar në këtë komunë por edhe për projektet e komunës në lokalitetet e ndryshme për të ardhmen. Disa nga mërgimtarët kanë bërë me dije se ata krenohen me progresin e arritur në Viti nga kryetari Haliti. Kurse i pari i Komunës, Sokol Haliti ju bëri thirrje atyre që të investojnë në Kosovë, në veçanti në komunë ne Vitisë, duke potencuar se ata do të kenë përkrahjen e institucioneve lokale./Aziz Zuka
