Avdush Canaj
Me këngë e zgjoj ditën,
para diellit bisedoj me lulet.
Fëmijët i marr për dore
në ishullin e lojës
me topin që fluturon.
Te shtëpi e gjetheve
zogjtë m`i falin ëndrrat
për festival vizatimesh.
Violinës së degëve i bie
me guguqet e mollës
të gëzohet mollëkuqja ime.
Me puthje vjen ajo
në faqe të vargut pikalor.
Bëhem balerin i parë
në baletin e fluturave.
Ky jam unë.
Ky.
