Xhiron e 27 të Superligës së Kosovës në Futboll e kanë hapur I fundit në tabelën e klasifikimit Feronikli ’74 nga Drenasi dhe Drita e Gjilanit, e cila prinë bindshëm në tabelën e klasifikimit dhe me hapa të sigurt po marshon e vetmuar drejt titullit të kampionit për stinorin 2024/2025.
FC Drita është në një seri të mirë të rezultateve dhe kësaj ndeshje I ka hyrë me seriozitetin më të madh, ngase ekipi bardh e kaltër nga Gjilani ka ditur të zë në thua pikërisht nga skuadrat e ashtuquajtura të vogla.
Ferronikli ’74 në pjesën e parë ia ka dalë që t’i bëjë ballë ekipit të favorizuar të Dritës, por nuk ka mundur të qëndrojë deri në fund, ngase pikërisht kur po pritej që gjyqtari të jap shenjë për përfundimin e 45 minutave të para qendërsulmuesi Arb Manaj shënoi gol për Dritën edhe atë në një ditë të shënuar për të dhe për familjen e tij, ngase siç shkruajnë mediet tona goli është shënuar në 26-vjetorin e zhdukjes së babit të tij, të cilin e kishin marrë forcat serbe në qytetin e Klinës.
Në pjesëlojën e dytë Drita luajti kujdesshëm, duke mëtuar që të arkëtojë tri pikë të arta, ngase ato I janë shumë të domsdoshme për të mbajtur distancën e duhur me ekipet përcjellëse dhe një gjë të tillë ata e bënë dhe me plot meritë ngadhënjyen edhe në këtë ndeshje. /kryelajmi.com/.
