Gjilani ka pësuar humbje në ballafaqim me Arbërinë, në ndeshjen që është luajtur në Stadiumin “Xhemajl Ibishi” në Prishtinë.
Më zhgënjyese se sa humbja ka qenë loja e Gjilanit, e cila ka qenë e shthurur, pa ndonjë aksion të ndërtuar mirë, me pasime të gjata e të pasakta, kurse as vendasit nuk bënë dic më shumë, por ata së paku i morën tri pikë shumë të vlefshme.
Nëse në pjesën e parë Gjilani tregoi diçka, në të dytën ishte krejtësisht jashtë elementit, andaj ka mjaftuar një rast i vendaseve, një gjuajtje në portë dhe humbja ishte e pashmangshme.
Gjilani rastin e parë e pati në minutën 22, kur pas një gjuajtje dënimi Veliu gjuajti jashtë porte, kurse rasti më i mirë për mysafirët u tregua në minutën 32, kur pas një gjuajtje dënimi topi erdhi deri te Keita Aziz që gjuajti nga afërsia, por topi u përplas për traverse.
Në pjesëlojën e dytë, Gjilani nuk pati asnjë rast. Në këtë pjesë u bënë edhe ndryshime në përbërje, për shumëkë të çuditshme, të cilat jo që nuk dhanë rezultat, por e prishën edhe atë pak lojë që deri diku funksiononte.
Arbëria pas një rasti të vetëm nëpërmjet Lutfi Bilallit, ia doli që të avancojë në rezultat, të cilin e ruajti deri në fund.
